81-годишна жена од Скопје починала по удар од автомобил

81-годишна жена од Скопје починала по тешките повреди кои ги добила од удар на автомобил, соопшти полицијата.

Имено синоќа околу 19,45 часот во Скопје на крстосница од ул.Јустинијан Први со ул.Корџевска патничко моторно возило „форд транзит“ со скопски регистарски ознаки, управувано од Д.С.(42) од Скопје, удрило во пешак С.Б.(81) од Скопје.

С.Б. била пренесена во комплекс клиники „Мајка Тереза“ каде и била укажана лекарска помош, но во 23.00 часот починала како последица од повредите.

По наредба на јавен обвинител телото на починатата ќе биде предадено за обдукција.

Увид на лице место извршила екипа од СВР Скопје.

Текстот 81-годишна жена од Скопје починала по удар од автомобил е превземен од МАКФАКС.