Чави: Два пати ги одбив, сега сум подготвен да ја водам Барселона

Барселона, на „Ноу Камп“, го промовираше Чави Ернандез во нов шеф на стручниот штаб. Чави, по шест години се врати во клубот, чии дрес го носеше од 1997 до 2017 година. Тој е еден од најдобрите и најтрофејните играчи во историјата на славниот клуб.

Чави тренерската кариера ја започна во Ал Сад, на кормилото на Барселона дојде на местото на Роналд Куман.

„За мене е важно што знам како функционира соблекувалната. Бускетс, Алба, Тер Штеген, Пике и Роберто ми беа соиграчи. Ќе биде тешко, но јас сакам предизвици, подготвен сум. Целта е да уживам во работата. Им благодарам на навивачите за поддршката“, рекол Чави и дополнил.

„Два пати ја одбив Барселона, тогаш мислев дека е рано за таков предизвик. Не бев подготвен како што сум сега. Сега е време за најголемиот предизвик во мојата кариера. Враќањето во Барселона беше сон и за моето семејство. Целта секогаш ќе биде борба за трофеите. Денес и е роденден на мојата сопруга, ми даде голем подарок, ова на сите ќе ни ги смени животите“.

Чави, на промоцијата беше пречекан со воодушевување. Навивачите го извикуваа неговото име.

Чави ќе дебитира за две недели, во градското дерби против Еспањол.

The excitement is building for … pic.twitter.com/HsukDB7HiH

— FC Barcelona (@FCBarcelona) November 8, 2021

The moment has arrived pic.twitter.com/OkSunDBzRk

— FC Barcelona (@FCBarcelona) November 8, 2021

Текстот Чави: Два пати ги одбив, сега сум подготвен да ја водам Барселона е превземен од МАКФАКС.