Давид Бабунски: Одиме во Палермо да ја победиме Италија!

Фудбалската репрезентација на Македонија вечерва го одржа првиот тренинг во пресрет на баражот против Италија за Светското првенство во Катар. Играчот за врска, Давид Бабунски, повторно е дел од А-селекцијата и оптимистички најавува борба за секоја топка и елиминација на европскиот првак

„Среќен сум што повторно сум дел од репрезентацијата и тоа во овој посебен момент за баражот за Светското првенство. Секако дека сме свесни сме против кого играме, Италија е европски првак, меѓутоа ние сме максимално мотивирани да докажеме дека Македонија може да игра и против најголемите. Одиме во Палермо да одиграме со срце и ќе дадеме сѐ од себе за да победиме“, изјави Давид Бабунски.

Македонскиот национален тим утре патува за Палермо, а мечот на стадионот „Ренцо Барбера“ е закажан за 24 март, со почеток во 20.45 часот.

Текстот Давид Бабунски: Одиме во Палермо да ја победиме Италија! е превземен од МАКФАКС.