Добре Митрев (MБП-Скопје): Без страв да се попишеме како Бугари

/

Првиот човек на МБП-Скопје Добре Митрев со поддршка за повикот на КЦ „Иван Михајлов“ од Битола до граѓаните на РС Македонија со бугарска етничка припадност без страв да се попишат како Бугари на пописот што е во тек.

„Државјаните на РС Македонија со бугарско етничко потекло треба без страв да ја истакнат својата етничка припадност. Би сакал да ја изразам мојата согласност со повикот на Културен центар „Иван Михајлов“ од Битола и би сакал да додадам дека поминаа времињата во кои постоењето на Бугарите во нашата земја се игнорираше или на нив се гледаше со потценување. Ние како лојални граѓани на РС Македонија имаме капацитет да придонесеме за нејзиниот развој без никакви резерви. Ние имаме право да влеземе во системот, а тоа ќе се случи откако ќе бидеме внесени и во Уставот на земјата како дел од бугарскиот народ“, вели во телефонска изјава за порталот „Трибуна“, Добре Митрев, претседател на МБП-Скопје.

Според Митрев Бугарите во РС Македонија треба одлучно да застанат во одбрана на своите човекови права, бидејќи како што вели првиот човек на МБП-Скопје, идејата за независна македонска држава први ја истакнуваат токму македонските Бугари.

„Ние треба да застанеме цврсто во одбраната на нашите човекови права, бидејќи немаме друг избор. РС Македонија треба да се европеизира и да стане една нормална земја дом за сите нејзини граѓани. Сепак да не забораваме дека идејата за независна македонска држава прв пат е изразена токму од нашите претци македонските Бугари. Наша должност е да помогнеме во демократизацијата на земјата“, подвлече Добре Митрев, претседател на МБП-Скопје.

Извор: tribuna.mk