ДС: Ковид-болницата во Тетово беше цел на криминални дејства, преку обидот да се уништат бакарните цевки за довод на кислород

Демократскиот сојуз изрази сочувство на семејствата на загинатите во синоќешниот пожар во модуларната болница во Тетово.

Од таму велат дека во овој момент најважно е истражните органи што побрзо да ги откријат причините за големата трагедија и, доколку се констатира дека зад тоа стои човечки фактор, итно да се преземат мерки за одговорност.

„Ковид-болницата во Тетово и претходно беше цел на криминални дејства, преку обидот да се уништат бакарните цевки за довод на кислород, така што овој случај не смее да остане со неодговорени прашања“, велат од  Демократскиот сојуз.

Партијата на сите повредени од пожарот им посакува побрзо оздравување и, истовремено, ги повикува медиумите да се воздржат од сензационалистички шпекулации.

Текстот ДС: Ковид-болницата во Тетово беше цел на криминални дејства, преку обидот да се уништат бакарните цевки за довод на кислород е превземен од МАКФАКС.