Две години затвор за лажен сертификат за вакцинација во Германија

Фалсификувањето или користењето лажни потврди за вакцинација ќе се казнува со затвор до две години според новиот предлог-закон во Германија.

Претходно, германската полиција објави дека фалсификуваните документи за вакцината против коронавирус стануваат се поголем проблем.

Проблемот се појави среде релаксација во карантин за луѓето кои биле вакцинирани или прележале коронавирус.

Полициските службеници во Германија во четвртокот предупредија дека криминалците веќе почнале да продаваат недозволени докази за вакцинација против Ковид-19 и дека проблемот се чини дека продолжува.

Предупредувањето дојде откако Германија укина одредени услови за изолација за поединци кои биле вакцинирани или прележале коронавирус.

Текстот Две години затвор за лажен сертификат за вакцинација во Германија е превземен од МАКФАКС.