Џонсон ѝ се извини на израелската министерка, која не можеше да влезе на самитот во инвалидска количка

Британскиот премиер Борис Џонсон денеска ѝ се извини на израелската министерка за енергија, Карин Елхарар.

Извинувањето дојде кога таа се пожали дека не може да присуствува на самитот за климатски промени во Глазгов бидејќи на луѓето што користат инвалидски колички, како неа, не им беше дозволен пристап.

Ерад мораше да се врати во хотелот, на 80-ина километри од местото на самитот, по чекањето надвор два часа, но денеска успеа да дојде на врвот бидејќи ја превезуваше такси специјализирано за луѓе со инвалидски колички.

Џонсон ѝ се извини за забуната што настана кога министерката му се придружи на средбата со израелскиот премиер Нефтали Бенет.

Бенет му се заблагодари на Џонсон за „брзата интервенција во овој немил инцидент“.

Елхарар, која има мускулна дистрофија, изјави за Би-би-си дека денеска многу лесно влезе на самитот и дека тоа е сосема поинакво искуство. Таа рече дека вчерашниот инцидент е многу добро искуство за да им се обезбеди пристап на луѓето со инвалидски колички на следната конференција на ОН.

Текстот Џонсон ѝ се извини на израелската министерка, која не можеше да влезе на самитот во инвалидска количка е превземен од МАКФАКС.