Голема еколошка катастрофа: морето исфрли мртви желки, откако изгоре брод полн со хемикалии

Стотици мртви желки со оштетени грла и оклоп, како и десетина мртви делфини и еден син кит, морето ги исфрли на брегот на Шри Ланка по потонување на брод, Бродот гореше и потонуваше и предизвика страв од поморска еколошка катастрофа.

Еколозите сметаат дека нивната смрт е резултат на пожарот и ослободувањето на опасни хемикалии, откако бродот „Х-Прес со Перл“, кој пловеше под знамето на Сингапур, изгоре речиси 12 дена пред да потоне минатата недела во близина на главното пристаниште на Шри Ланка, во главниот град Коломбо.

Владини претставници, сепак, рекоа дека причините биле „привремено потврдени“ и дека истрагата продолжува.

На бродот избувна пожар на 20 мај, а мртви морски видови почнаа да се појавуваат на брегот неколку дена подоцна.

Агенцијата АП наведува дека 81 од скоро 1.500 контејнери за испорака содржеле „опасна“ стока. Морнарицата на Шри Ланка верува дека пожарот бил предизвикан од хемиски товар, од кој поголем дел е уништен во пожарот.

Но, остатоците, вклучувајќи изгорени тони пластични пелети, сериозно ги загадија околните води и голема површина на познатите плажи на островот.

Текстот Голема еколошка катастрофа: морето исфрли мртви желки, откако изгоре брод полн со хемикалии е превземен од МАКФАКС.