Град Скопје ќе додели по 100.000 денари на семејствата на загинатите во пожарот во Тетово

Поради трагичниот пожар во модуларната ковид-болница во Тетово, Советот на Град Скопје се состана уште еднаш за да гласа за доделување парична помош на семејствата на настраданите.

„Градот Скопје, како израз на солидарност кон семејствата на загинатите во пожарот за секое загинато лице на семејствата ќе додели парична помош од 100.000 денари во нето износ“, се наведува во соопштението на градските власти.

Во пожарот во тетовската модуларна болница кој изби на 8 септември, загинаа 14 лица.

На оваа последна седница на овој состав на Советот на Град Скопје, градоначалникот Шилегов им се заблагодари на сите советници за добрата соработка во изминатите четири години.

Текстот Град Скопје ќе додели по 100.000 денари на семејствата на загинатите во пожарот во Тетово е превземен од МАКФАКС.