Како медиумите во Русија известуваат за нападот – среќни сме, ова го чекаме осум години

Повеќето од медиумите во Русија се под државна контрола, што во голема мера објаснува зошто руската телевизија известува за рускиот напад на Украина како операција за самоодбрана, чија цел е елиминација на украинската армија, пренесува Би-би-си.

Многу станици објавија соопштение од Министерството за одбрана, во кое се истакнува дека против локациите на украинската војска се користи високопрецизно оружје и дека нема закана за цивилите.

„Русија денеска почна специјална воена операција со цел да ги заштити луѓето што се изложени на злоупотреба и геноцид на режимот во Киев во последните осум години“, вака државната телевизија „Русија-1“ го почна известувањето.

Неколку информативни програми прикажуваа интервјуа со млади жители на бунтовничките региони во источна Украина, кои изгледаа радосни.

Државната телевизија „Русија 24“ објави разговор меѓу две лица во Донецк и новинар.

„Ова е супер. Нема други зборови со кои може да се опише“, рекол еден човек.

Друга жена рече дека е многу среќна.

„Навистина сум среќна. Ова го чекаме осум години“, рече таа.

Текстот Како медиумите во Русија известуваат за нападот – среќни сме, ова го чекаме осум години е превземен од МАКФАКС.