Ковачевски: Oдржавме уште една лекција по демократија, а од утре да се фатиме за работа

Димитар Ковачевски по прогласувањето за нов лидер на СДСМ на присутните сопартијци во седиштето на партијата им се обрати со „другарки и другари“.

„Вчерва СДСМ одржа уште една лекција од демократијата, но од утре мораме да ги засукаме ракавите и да се фатиме за работа. Секогаш кога СДСМ е силен и има јасна агенда, државата оди напред. Ние сме столб на прогресивниот дел од општеството“, рече новиот партиски лидер.

Тој им се заблагодари и на двајцата противкандидати, Фросина Ременски и Јован Деспотовски, но и на досегашниот претседател на СДСМ, Зоран Заев.

„Дозволете ми да му се заблагодарам на досегашниот претседател Зоран Заев. Со неговата храбрсот сите не мотивираше и инспирираше. Заедно со граѓаните го сруши режимот на Груевски, ја внесе државата во НАТО и на чекор до ЕУ. Не научи што е лидерство и партиско другарство“, рече Ковачевски.

Текстот Ковачевски: Oдржавме уште една лекција по демократија, а од утре да се фатиме за работа е превземен од МАКФАКС.