Македонија мора да ја победи Романија

Македонската фудбалска репрезентација, утре, против Романија ќе го заокружи септемврискиот квалификациски циклус за пласман на Светското првенство. Македонија на претходните два натпревари ремизираше 0:0 со Ерменија и 2:2 со Исланд. На табелата во групата, Македонија се наоѓа на третото место со осум бода.

„Романија е многу сериозна репрезентација. Имаат квалитетни индивидуалци и доаѓаат во добар момент за нив. Но, ние сме сконцентрирани на нашата игра и како треба да изгледаме на терен. Ова ќе биде сосема поинаков натпревар од тој во Букурешт. Не мислам дека е одлучувачки за нашето место во квалификациската група. Се надевам дека до крајот ќе бидеме во игра за второто место. Фудбалерите се мотивирани и подготвени за надигрување. Единствениот проблем со Исланд беше нашиот психолошки момент, но работиме и на тој аспект. Се друго, технички-тактички беше на високо ниво и со многу дисциплина. Фудбалерите сега имаат поинаков начин на работа и задолженија, ги прифатија на најдобар начин и им оддавам признание за тоа“, рече селекторот на Македонија, Благоја Милевски.

Македонија, во терминот од 20:45 часот, ќе ја пречека Романија.

Извор/ ffm.mk

Текстот Македонија мора да ја победи Романија е превземен од МАКФАКС.