Министерот Спасовски даруваше крв

Министерот за внатрешни работи, Оливер Спасовски, денеска даруваше крв во Институтот за трансфузиона медицина (ИТМ), во рамки на редовните крводарителски акции кои ги организира тимот на професионалци Blood Bank – Tenk од Одделот за планирање, организација и реализација на крводарителство при ИТМ.

Како што информираат од министерството, Спасовски е редовен крводарител, а неодамна дарувал и крвна плазма која се употребува во лекувањето на потешките форми на Ковид-19.

„И во оваа прилика сакам да упатам апел до сите граѓани, особено до младата популација, да ги практикуваат здравите животни навики и да бидат на ниво на социјалната одговорност со обезбедување квалитетна, безбедна и достапна крв и крвни продукти за пациентите на кои им се неопходни за лекување”, истакна министерот и додаде дека само со развиена свест и позитивен однос кон највисокиот акт на солидарност – крводарителството, можеме да го постигнеме највисокото ниво на здравствена култура, а тоа е спасувањето човечки животи.

Текстот Министерот Спасовски даруваше крв е превземен од МАКФАКС.