МНР отвори телефонска линија на која може да се обратат роднините на патниците од автобусот

Министерството за надворешни работи отвори специјална телефонска линија.

„Отворена е телефонска линија на која сите загрижени граѓани, роднини и членови на семејствата ќе може да се обратат за дополнителен совет“, информираат од Министерството. Телефонскиот број е: 075/273 732

Имајќи ја предвид тешката несреќа што се случи синоќа, Министерството информира дека во институцијата веќе функционира кризен штаб во врска со несреќата.

„Двајца наши вработени се упатени на испомош во Амбасадата на Северна Македонија во Софија со цел да помогнат за сите процедури поврзани со трагичниот настан“, велат од МНР.

Текстот МНР отвори телефонска линија на која може да се обратат роднините на патниците од автобусот е превземен од МАКФАКС.