Облачно и врнежливо време во текот на викендот

Времето денеска ќе биде облачно преку целиот ден, со пообилни врнежи, информираат од УХМР.

На повеќе места ќе наврнат над 25 литри на квадратен метар, а локално и над 40 литри на квадратен метар воден талог.

На планините и на повисоките места ќе се формира нова позначителна снежна покривка. Ќе дува слаб до умерен ветер од северен правец. Максималната температура ќе биде во интервал од 3 до 10 Целзиусови степени.

Во Скопје, облачно преку целиот ден со врнежи од дожд. Ќе дува слаб до умерен северен ветер. Максималната температура ќе достигне до 5 степени.

В недела ќе има слаб локален дожд и снег, а од понеделник следува период на умерено до значително облачно и студено време со умерен до засилен северен ветер.

 

Текстот Облачно и врнежливо време во текот на викендот е превземен од МАКФАКС.