Осимен има повеќе фрактури на лицето, утре на операција

Напаѓачот на Наполи, Виктор Осимен има повеќе фрактури на лицето и од клубот потврдија дека утре ќе оди на операција и ќе отсуствува подолго време од терените.

Нигерискиот репрезентативец се судри со Милан Шкринијар при 3:2 поразот во неделата, добивајќи повеќе фрактури на очната орбита и на левата јаболчница, по што веднаш беше однесе во болница во Милано. Тој ќе се врати во Неапол вечерва и ќе остане под лекарска помош пред утрешната операција.

„Виктор Осимен утре ќе оди на операција кај професорот Џанпаоло Тартаро, кому ќе му помага докторот на клубот, Рафаел Канонико. Форца Виктор“, велат од Наполи.

📌 Victor Osimhen rientrerà a Napoli in serata, resterà sotto osservazione e sarà operato nella giornata di domani dal Prof. Gianpaolo Tartaro coadiuvato dal Responsabile Sanitario del club Dott. Raffaele Canonico.

Forza Victor 💪 pic.twitter.com/OS2pliWcn4

— Official SSC Napoli (@sscnapoli) November 22, 2021

Текстот Осимен има повеќе фрактури на лицето, утре на операција е превземен од МАКФАКС.