Папу Гомез доволен за победа на Аргентина, Меси го израмни рекордот на Маскерано

Аргентина стигна до втората победа во три меча на Копа Америка, откако голот на Алехандро Папу Гомез беше доволен за минимална 1:0 победа над Парагвај.

Ветеранот на Севилја во 10. минута го стресе голот на Парагвајците, по што во второто полувреме Парагвај беше подобрата репрезентација, иако само двапати се заканија по голот на Емилијано Мартинез. Аргентинците сега имаат пауза од една недела, по што играат со Боливија, додека Парагвај веќе во четврток играат со Чиле.

Првата ѕвезда на „албиселесте“, Лионел Меси, пак, го израмни рекордот на Хавиер Маскерано од 147 меча за националниот дрес, додека прв старт за репрезентацијата од ноември 2019 година имаше Серхио Агуеро.

Текстот Папу Гомез доволен за победа на Аргентина, Меси го израмни рекордот на Маскерано е превземен од МАКФАКС.