Подобрена состојбата на чешкиот претседател Милош Земан

Чешкиот претседател Милош Земан денеска е префрлен од интензивна нега во стандардна соба, соопшти чешката централна воена болница.

„Третманот, а особено сложената нутритивна поддршка обезбедена во интензивната нега, доведе до подобрување на клиничката состојба на претседателот“, се вели во соопштението на болницата, пренесува „Ројтерс“.

„Претседателот денеска беше префрлен во стандарден кревет“, се додава во соопштението.

Земан беше префрлен на одделот за интензивна нега на 10 октомври и хоспитализиран поради компликации на една од неговите хронични болести, но деталите за дијагнозата не се познати.

Текстот Подобрена состојбата на чешкиот претседател Милош Земан е превземен од МАКФАКС.