Првичните резултати од изборите во Русија покажуваат победа на партијата на Путин

Руската владејачка партија Единствена Русија, од која потекнува и претседателот Владимир Путин, е на пат да победи на парламентарните избори, покажуваат прелиминарните резултати и излезните анкети.

Гласачките места во московската временска зона беа затворени во 20 часот по локално време, со што заврши тридневното гласање.

Централната изборна комисија, откако беа преброени само девет проценти од гласовите, објави дека Единствена Русија е во водство со 38,57 проценти од гласовите.

Во исто време, излезна анкета спроведена од агенцијата ИНСОМАР покажа дека Единствена Русија освоила 45 проценти од гласовите, објави агенцијата РИА.

Партијата освои нешто повеќе од 54 проценти од гласовите на последните избори во 2016 година.

Првичните резултати од изборите покажуваат дека Комунистичката партија е на второ место со 25,17 проценти, додека националистичката ЛДПР е на трето место со 9,6 проценти од гласовите.

Текстот Првичните резултати од изборите во Русија покажуваат победа на партијата на Путин е превземен од МАКФАКС.