ПСЖ е поделен на кланови, во тимот нема единство

Поразот од Монако е само последица на раздвоената соблекувална на Пари Сен-Жермен, тврдат француските медиуми. Елиминацијата од Реал Мадрид во Лигата на шампионите ги откри клановите што ги има во тимот на „светците“. Наводно, се работи за јужноамерикански и за европски клан, фракции што влијаат на тимското единство и на победничкиот дух.

Тренерот Маврисио Покетино не е способен да го обедини тимот, а тоа придонесува за слаби игри и резултати.

Тимот со ѕвезди е поделен на играчи што зборуваат на шпански јазик во соблекувалната, и другите, кои се домашни, односно зборуваат на француски јазик. Едните и другите речиси и да немаат допирна точка. По поразот (0:3) од Монако, раководството на клубот наводно се обидува да ги приближи двете страни. Сепак, двете фракции се обвинуваат меѓусебно за недостиг во однос на посветеноста кон клубот.

Во моментот Пари Сен-Жермен е водечки тим во Франција и речиси сигурно ќе ја врати титулата во Париз, но амбициите на клубот беа многу поголеми – да го освои трофејот во Лигата на шампионите.

Текстот ПСЖ е поделен на кланови, во тимот нема единство е превземен од МАКФАКС.