СДСМ: Имавме успешен изборен ден и покрај обидите на ВМРО-ДПМНЕ да ги дискредитираат изборите

ВМРО-ДПМНЕ имаше обиди да ги дискредитира изборите, но сепак имавме успешен изборен ден, изјави портпаролката на СДСМ Богданка Кузеска, по завршувањето на вториот круг од локалните избори.

Од владејачката партија не ги споменаа првичните резултати од изборите, но изјавија дека за истите ќе има прес-конференции во текот на вечерта.

„ Денеска се одржаа фер избори и не успеаја методите на ВМРО-ДПМНЕ да ги дискредитираат истите. Ѓорче Петров, Македонска Каменица се само дел од случаите каде што ВМРО-ДПМНЕ се обвиде да влијае на демократскиот процес“, рече Кузеска, оставајќи на надлежните органи да ги решат овие случаи.

„ Им честитаме на граѓаните и на институциите за успешниот изборен ден“, рече Кузеска, најавувајќи нови јавувања во однос на резултатите.

Текстот СДСМ: Имавме успешен изборен ден и покрај обидите на ВМРО-ДПМНЕ да ги дискредитираат изборите е превземен од МАКФАКС.