Спасовски: Горан Тодоров како иден градоначалник на Кавадарци за забрзан напредок и развој

Потпретседателот на СДСМ, Оливер Спасовски, денеска во Кавадарци учествуваше на промоцијата на кандидатот за градоначалник на Кавадарци на коалицијата предводена од СДСМ, Горан Тодоров.

„Со Тодоров во Кавадарци излегуваме со најдобрата понуда за вашата општина, понуда која, заедно со програмата и советничката листа, ќе обезбеди забрзан напредок и иден развој на овој важен град во Повардарието“, истакна Спасовски.

Тој нагласи дека работите се менуваат на подобро во целата држава и во Кавадарци.

„Инвестиравме многу и во инфраструктурата и во земјоделството, во здравството, во детската заштита и образованието. Во овие четири години покажавме дека имаме храброст и визија за патот на напредокот по кој треба да се движиме“, нагласи Спасовски.

Додаде дека преку партнерски однос со лозарите биле решени нивните проблеми, кои, како што рече, се провлекувале со години.

Тој наведе дека над 5,7 милиони евра се инвестирани во 36 километри патна инфраструктура, а се вложувало и во комуналната инфраструктура, во нови водоводи и канализации.

Текстот Спасовски: Горан Тодоров како иден градоначалник на Кавадарци за забрзан напредок и развој е превземен од МАКФАКС.