(Видео) Ковачки: Заев поднесе оставка за да не биде прифатена

Oставката на Заев е иста како и оставката на Филипче, ја поднесе за да не биде прифатена и потоа да одбегне одговорност, коментира Драган Ковачки од ВМРО-ДПМНЕ, потсетувајќи дека оставката на премиерот се уште не е доставена во Парламентот.

„Зоран Заев самиот изјави дека доколку ги загуби овие избори дека ќе си поднесе оставка. Заев убедливо загуби во целата држава и изјави дека се повлекува. Од таа изјава до денес гледаме како клиентелистите и неговите послушници готват амбиент за неповлекување и неподнесување на одговорност“, рече Ковачки.

Според него, СДСМ не си стои до зборот и повторно ги потценува граѓаните. Вели дека она што сега го прави СДСМ е препелкање во сопствената кал и продлабочување на поразите. Ковачки порача дека Владата повеќе нема никаков кредибилитет и истата е детронизирана, па затоа е време за промени.

Текстот (Видео) Ковачки: Заев поднесе оставка за да не биде прифатена е превземен од МАКФАКС.