(Видео) Полугол и бос, со нож во раце напаѓал луѓе во Осло, полицијата го убила непознатиот маж

/

Непознат маж кој нападна луѓе на улиците на Осло е убиен од полицијата, се вели во соопштението на властите.

Норвешките медиуми објавија видео од наводниот напаѓач, гол од половината нагоре и бос, со нож во рацете.

Полицијата соопшти дека има повеќе од една жртва и не даде дополнителни информациии за нивната состојба.

Man with knife tries to stab people on the streets of Oslo, Norway as he’s screaming «allahu akbar». Stabs police officer and gets shot dead. pic.twitter.com/ifgpE961vH

— WickedViral (@WickedViralTV) November 9, 2021

Тие додадоа дека патролното возило добило пријава во областа Бислет во северно Осло и дека полицајци влегле во зградата за да го спречат напаѓачот во неговите намери.

Напаѓачот потоа нападнал полициско возило и успеал да ја отвори и вратата, изјави полицискиот портпарол Торгеир Бренден.

Тој рече дека кон мажот биле испукани неколку истрели, но не прецизираше дали полицијата отворила оган од автомобилот.

Полициско возило прво удрило во напаѓачот, а потоа бил застрелан.

Тој итно бил пренесен во блиската болница, каде што починал.

Медиумите потсетуваат дека ова е втор напад во последно време во Норвешка. Пред еден месец, маж вооружен со лак и стрела и нож, уби пет лица во мал град југозападно од Осло.

Текстот (Видео) Полугол и бос, со нож во раце напаѓал луѓе во Осло, полицијата го убила непознатиот маж е превземен од МАКФАКС.