ВМРО-ДПМНЕ: СДСМ бранат 11 наоди на прекршувања на закон, а ревизорот го донел нивниот градоначалник во 2019

СДСМ заштитува прекршување на законот за јавни набавки. СДСМ втор ден се обидува да го заштити својот кадар, поранешната директорка на детска градинка во Гази Баба која спротивно на законот вршела набавки во месец септември 2021 година, а истите биле фактурирани во декември месец за сума која ја надминува границата која ја пропишува законот за јавната набавка, соопшти ВМРО-ДПМНЕ.

„ Ревизијата покажала вкупно 11 наоди за прекршувања од страна на раководниот орган. Ако за СДСМ тоа е нормално, тогаш тоа покажува дека СДСМ одобрува и спроведува систематски кршење на нормите.

Патем тоа што СДСМ се обидува да го скандализира, повторно им се враќа како бумеранг. Лицето кое ја спроведува ревизијата на работата на детската градинка е истото лице внатрешен ревизор кој што поранешниот градоначалник Борче Георгиевски го овластил да врши ревизии уште во 2019 година.

Залудни се обидите на СДСМ со вакви соопштенија и пресови да прават дефокус од актуелните состојби во државата, а уште помалку од аферите кои се поврзуваат за криминалот на нивните кадри. СДСМ ако веќе сакаат да гледаат прекршување на закони нека ги погледнат случаите за јавни набавки на нивните градоначалници во Бутел и Кисела Вода, но и скандалите со софтверот на Рашковски, снопчињата пари на Ден Дончев, системот евро за Вицето-евро за црквата и десетици други поголеми случаи на криминал и корупција на нивните функционери“ порачаа од ВМРО-ДПМНЕ.

Текстот ВМРО-ДПМНЕ: СДСМ бранат 11 наоди на прекршувања на закон, а ревизорот го донел нивниот градоначалник во 2019 е превземен од МАКФАКС.