ВМРО-ДПМНЕ: Спасовски да каже дали се криел предметот за дипломатскиот скандал

Оливер Спасовски треба да одговори зашто неговите пиони во МВР го криеле предметот на Миле Миленковски од Наќе Чулев, велат во ВМРО-ДПМНЕ во врска со дипломатскиот скандал, кој е во фокусот на домашната јавност.

„Спасовски, Димитров и Османи пет години се власт во Македонија. Пет години овој дипломат шета во светот и засолнува тајкуни, како братот на поранешниот ерменски претседател, кој во Ерменија е лик како што е Вице Заев во Македонија, криминалец пар екселанс“, нагласуваат од опозициската партија.

Според ВМРО-ДПМНЕ, Спасовски, Димитров и Османи треба да кажат дали и тие учествувале во најмување на приватниот авион со кој бил извлечен ерменскиот тајкун од Ерменија и дали дале дополнителна поддршка.

„Видовме во изминатиот период дека власта во Македонија целосно се ставила на располагање на мафијашки структури од регионот и светот и дека системот функционирал како заштита на мафијашки босови и тајкуни. Миленковски само е копија на браќата и братучедите Заеви, чии имиња снемува од кривични пријави, и никој не понесува одговорност“, сметаат од опозициската партија.

Текстот ВМРО-ДПМНЕ: Спасовски да каже дали се криел предметот за дипломатскиот скандал е превземен од МАКФАКС.